ആറ് പരീക്ഷാ കേന്ദ്രങ്ങളില്‍ നീറ്റ് പരീക്ഷ വീണ്ടും നടത്താൻ നാഷണല്‍ ടെസ്റ്റിങ് ഏജൻസി (എൻടിഎ) തീരുമാനിച്ചു. പരീക്ഷയുടെ പുതിയ തീയതി പുറത്തുവിട്ടതായി അധികൃതര്‍ അറിയിച്ചു. സെപ്റ്റംബർ നാലിന് ഉച്ചയ്ക്ക് രണ്ട് മണി മുതൽ അഞ്ച് വരെയാണ് പരീക്ഷ നടത്താൻ തീരുമാനിച്ചിരിക്കുന്നത്. പുനഃപരീക്ഷയിൽ പങ്കെടുക്കാൻ അനുവദിക്കപ്പെട്ട വിദ്യാർത്ഥികൾക്ക് ഈ വിവരങ്ങൾ രജിസ്റ്റർ ചെയ്ത ഇ‑മെയിലിൽ അയച്ചിട്ടുണ്ട്. കൊല്ലത്തിന് പുറമെ രാജസ്ഥാനിലെ (രണ്ട്), മധ്യപ്രദേശിലെ (രണ്ട്), ഉത്തർപ്രദേശിലെ (ഒന്ന്) പരീക്ഷാ കേന്ദ്രങ്ങളിലാണ് പരീക്ഷ നടക്കുന്നത്.
ജൂലെെ 17ന് നടന്ന കൊല്ലത്തെ പരീക്ഷയ്ക്കിടെ പെൺകുട്ടികളുടെ അടിവസ്ത്രം അഴിച്ചുമാറ്റി വിഷയത്തെ തുടർന്ന് നിരവധി രക്ഷിതാക്കൾ പരാതി നൽകിയിരുന്നു. ഇക്കാര്യം കണക്കിലെടുത്താണ് എൻടിഎ കേന്ദ്രങ്ങളില്‍ വീണ്ടും പരീക്ഷ നടത്താൻ തീരുമാനിച്ചത്.
English Summary: NEET to be re-conducted at six centres: Date released
You may like this video also
