നാഷണൽ ഫെഡറേഷൻ ഓഫ് ഇന്ത്യന്‍ റോഡ് ട്രാൻസ്പോർട്ട് വർക്കേഴ്സിന്റെ (എന്‍എഫ്ഐആര്‍ടിഡബ്യു) 18-ാമത് ദേശീയ സമ്മേളനത്തിന് ബാംഗ്ലൂരിൽ തുടക്കമായി. ബാംഗ്ലൂര്‍ ഫ്രീഡം പാർക്കിൽ നടന്ന പൊതുസമ്മേളനം കർണാടക ട്രാൻസ്പോർട്ട് വകുപ്പ് മന്ത്രി രാമലിംഗ റെഡ്ഡി ഉദ്ഘാടനം ചെയ്തു.
കെഎൽ യാദവ് അധ്യക്ഷത വഹിച്ച യോഗത്തില്‍ എഐടിയുസി ദേശീയ സെക്രട്ടറി അമര്‍ജിത് കൗർ, എച്ച് വി അനന്തസുബറാവു, നിർമ്മൽ സിംഗ്, ദീപാലി, വിജയ ഭാസ്കർ എന്നിവർ സംസാരിച്ചു. 300 പ്രതിനിധികള്‍ പങ്കെടുക്കുന്ന ദേശീയ സമ്മേളനത്തില്‍ കേരളത്തിൽ നിന്ന് 15 പ്രതിനിധികളാണ് എത്തിയിരിക്കുന്നത്. ഇന്ന് തുടരുന്ന സമ്മേളനം നാളെ സമാപിക്കും.