നീലേശ്വരം വെടിക്കെട്ടപകടം: മരണം ആറായി

നീലേശ്വരം വെടിക്കെട്ടപകടത്തിൽ മരണം ആറായി. നീലേശ്വരം തേർവയൽ സ്വദേശിയായ ജില്ലാ സഹകരണ ബാങ്ക് റിട്ട. സീനിയർ മാനേജർ ആയ പി സി പത്മനാഭൻ (68) ആണ് മരിച്ചത്. ഗുരുതരമായി പൊള്ളലേറ്റ് കണ്ണൂർ ആസ്റ്റർ മിംസ് ആശുപത്രി ഐസിയുവിൽ 15 ദിവസമായി ചികിത്സയിലായിരുന്ന പത്മനാഭൻ ഇന്ന് വൈകുന്നേരത്തോടെയാണ് മരണപ്പെട്ടത്. ഭാര്യ: എം. ടി. ഭാർഗവി. മക്കൾ: റോജൻ രഞ്ജിത് ബാബു (വൈസ്പ്രസിഡന്റ്, മഷ്രീക്ക് ബാങ്ക്, ദുബായ്), ഷൈൻജിത് (എൻജിനിയർ) മരുമക്കൾ: വീണ (തളിപ്പറമ്പ്) ശ്രീയുക്ത (വടകര). സഹോദരങ്ങൾ: ഭാനുമതി (വെള്ളൂർ), രമണി (തളിപ്പറമ്പ്), രാജൻ (റിട്ട. മാനേജർ, കാർഷിക ഗ്രാമവികസന ബാങ്ക്, കാഞ്ഞങ്ങാട്), പരേതനായ രാഘവൻ. സംസ്കാരം ഇന്നു നടക്കും.