കോട്ടയം ജില്ലയിലെ മാങ്ങാനത്തെ സ്വകാര്യ ഷെല്‍റ്റര്‍ ഹോമില്‍നിന്ന് പോക്‌സോ കേസ് ഇരകളടക്കം ഒന്‍പത് പെണ്‍കുട്ടികളെ കാണാതായി. രാവിലെ വിളിച്ചുണര്‍ത്താന്‍ ചെന്നപ്പോഴാണ് കുട്ടികള്‍ ഇവിടെയില്ലെന്ന് മനസിലായത്. മാങ്ങാനം മാങ്ങാനംകുഴിയില്‍ മഹിളാ സമഖ്യാ എന്ന എന്‍ജിഒയുടെ കീഴിൽ പ്രവര്‍ത്തിക്കുന്ന ഷെല്‍റ്റര്‍ ഹോമിലെ കുട്ടികളെയാണ് കാണാതായത്. കുട്ടികള്‍ ഞായറാഴ്ച രാത്രിയില്‍ രക്ഷപെട്ടിരിക്കാം എന്നാണ് പോലീസിന്‍റെ പ്രാഥമിക നിഗമനം. സംഭവത്തില്‍ കോട്ടയം ഈസ്റ്റ് പോലീസ് അന്വേഷണം തുടങ്ങി. അന്വേഷണത്തിനുവേണ്ടി പ്രത്യേക സംഘത്തെ നിയോഗിച്ചുവെന്ന് എസ് പി കെ കാർത്തിക്ക് അറിയിച്ചു. മിസ്സിംഗ് കേസ് എടുത്ത് അന്വേഷണം നടത്തുന്നു. അഞ്ചര മണിക്കാണ് കുട്ടികളെ കാണാതായത്. കുട്ടികളെ കണ്ടെത്തിയശേഷം എന്താണ് സംഭവിച്ചത് എന്ന് അന്വേഷിക്കും.
English Summary: Nine girls among the victims of POCSO case from Kottayam shelter home They are missing
You may also like this video
