പാലക്കാട്ടെ നിപ മരണത്തിൽ സമ്പർക്ക പട്ടിക തയ്യറാക്കി ആരോഗ്യ വകുപ്പ്. 46 പേരാണ് സമ്പര്ക്കപ്പട്ടികയിലുള്ളതെന്ന് ആരോഗ്യ മന്ത്രി വീണാ ജോർജ്ജ് പറഞ്ഞു. സിസിടിവി ഉള്പ്പെടെയുള്ള വിവരങ്ങള് ശേഖരിച്ചു. വയോധികന്റെ റൂട്ട് മാപ്പ് തയ്യാറാക്കിയിട്ടുണ്ട്. മൊബൈല് ടവര് ലൊക്കേഷന് ഉള്പ്പെടെയെടുത്ത് കൂടുതല് നിരീക്ഷണം നടത്തും. പൂനെ വൈറോളജി ഇന്സ്റ്റിറ്റ്യൂട്ടില് നിന്നുള്ള സ്ഥിരീകരണം ലഭ്യമാകുന്ന മുറയ്ക്ക് കൂടുതല് നടപടികള് സ്വീകരിക്കും. മഞ്ചേരി മെഡിക്കല് കോളജില് നടത്തിയ പരിശോധനയിലാണ് 57 വയസുകാരന് നിപ പോസിറ്റീവാണെന്ന് കണ്ടെത്തിയത്.
ഉടന് തന്നെ സമ്പര്ക്കത്തിലുള്ളവരെ കണ്ടെത്താനുള്ള കോണ്ടാക്ട് ട്രേസിങ് ആരംഭിച്ചു. സിസിടിവി ഉള്പ്പെടെയുള്ള വിവരങ്ങള് ശേഖരിച്ചു. ലഭ്യമായ വിവരങ്ങള് അനുസരിച്ച് റൂട്ട് മാപ്പ് തയ്യാറാക്കിയിട്ടുണ്ട്. ഫാമിലി ട്രീയും തയ്യാറാക്കി. പ്രദേശത്ത് ഫീല്ഡ്തല പ്രവര്ത്തനങ്ങള് ശക്തമാക്കി. ഫീവര് സര്വൈലന്സും തുടരുന്നു. മൊബൈല് ടവര് ലൊക്കേഷന് ഉള്പ്പെടെയെടുത്ത് കൂടുതല് നിരീക്ഷണം നടത്തുമെന്നും മന്ത്രി പറഞ്ഞു.