വീടിനുള്ളിൽ രഹസ്യമായി കഞ്ചാവ് കൃഷി നടത്തിയ യുവാവ് പിടിയിൽ. വലിയതുറ സ്വദേശി ധനുഷ് ആണ് പിടിയിലായത്. വീട്ടിലെ മുറിക്കുള്ളിൽ പ്രത്യേക സംവിധാനങ്ങളോടെയാണ് യുവാവ് കഞ്ചാവ് കൃഷി ചെയ്തത്. മുറിക്കുള്ളിൽ പ്രത്യേക ഫാനും ലൈറ്റുമൊക്കെ ഘടിപ്പിച്ച് കാറ്റും വെളിച്ചവും സജ്ജമാക്കിയാണ് ചെടി പരിപാലിച്ചത്. 20 ദിവസം വളര്ച്ചയുള്ള ചെടിയാണ് പൊലീസ് പിടിച്ചെടുത്തത്.
ഇന്റര്നെറ്റില് നിന്നാണ് കഞ്ചാവ് കൃഷി ചെയ്യേണ്ട രീതികള് സംബന്ധിച്ച് വിവരങ്ങള് ശേഖരിച്ചത്. മുറിക്കുള്ളിലേക്കു മറ്റാരെയും കയറാന് അനുവദിച്ചിരുന്നില്ല. ഷൂ റാക്ക് പൊളിച്ചാണ് കഞ്ചാവ് ചെടികള്ക്കുള്ള മറയുണ്ടാക്കിയത്. ഒരു ഗ്രോബാഗിലും മറ്റൊരു ട്രേയിലുമായാണ് ചെടികള് നട്ടു വളര്ത്തിയിരുന്നത്. അറസ്റ്റിലായ ധനുഷ് എംഡിഎഎ കേസില് പ്രതിയാണെന്ന് പൊലീസ് പറഞ്ഞു.