ഡൽഹിയിൽ മാസ്ക് ധരിക്കാത്തതിന് പിഴ ചുമത്താൻ സർക്കാർ ആലോചിക്കുന്നില്ലെന്ന് ഉപമുഖ്യമന്ത്രി മനീഷ് സിസോദിയ. ഡൽഹി വിദ്യാഭ്യാസ ഗാനത്തിന്റെ പ്രകാശന ചടങ്ങില്‍ സംസാരിക്കുകയായിരുന്നു അദ്ദേഹം. ഡല്‍ഹി ഉള്‍പ്പെടെ നാല് സംസ്ഥാനങ്ങളോട് മാസ്ക് ധരിക്കുന്നത് നിര്‍ബന്ധമാക്കണമെന്ന് കേന്ദം നിര്‍ദ്ദേശിച്ചതിന് പിന്നാലെയാണ് സിസോദിയ ഇക്കാര്യം വ്യക്തമാക്കിയത്.
കോവിഡ് മഹാമാരിക്കൊപ്പം ജീവിക്കാൻ ജനങ്ങള്‍ പഠിക്കണം. കാരണം അത് കൂടുതല്‍ കാലം നിലനില്‍ക്കുന്നവയാണ്. കേസുകള്‍ ക്രമാധീതമായി വര്‍ധിച്ചാല്‍ കര്‍ശന നടപടി സ്വീകരിക്കുമെന്നും സിസോദിയ പറഞ്ഞു. നിലവിൽ, കേസുകളുടെ എണ്ണം കുറവായതിനാൽ പരിഭ്രാന്തരാകേണ്ടതില്ലെന്നും സിസോദിയ കൂട്ടിച്ചേര്‍ത്തു.
കോവിഡ് സാഹചര്യം വിലയിരുത്താൻ വിദഗ്ധരും ജില്ലാ ദുരന്ത നിവാരണ അതോറിറ്റിയുമായും ചേര്‍ന്ന് ഇന്ന് യോഗം തീരുമാനിച്ചിരുന്നു.
English summary;No Plan To Impose Fine For Not Wearing Masks In Delhi: Manish Sisodia
You may also like this video;
