കെഎസ്ആർടിസി ബസിൽ യുവതിക്ക് നേരെ നഗ്നതാ പ്രദർശനം നടത്തിയ സംഭവത്തിൽ പ്രതി പിടിയിൽ. കൊല്ലം മൈലക്കാട് സ്വദേശി സുനിൽ കുമാറാണ് (43) അറസ്റ്റിലായത്. തിങ്കളാഴ്ച രാത്രി ബസില് വച്ചായിരുന്നു സംഭവം. കൊല്ലം സിറ്റി പൊലീസാണ് ഇത്തിക്കര പാലത്തിന് സമീപത്ത് നിന്ന് ഇയാളെ പിടികൂടിയത്. പ്രതിക്കെതിരെ ലുക്കൗട്ട് നോട്ടീസ് അടക്കം പുറപ്പെടുവിച്ചിരുന്നു. പ്രതിയെ തിരിച്ചറിഞ്ഞതായി കൊല്ലം സിറ്റി പൊലീസ് അറിയിച്ചിരുന്നു.
കെഎസ് ആർടിസി ബസിൽ കൊട്ടിയത്ത് നിന്ന് കൊല്ലത്തേക്ക് വരികയായിരുന്ന യുവതിക്ക് നേരെയാണ് പ്രതി നഗ്നതാ പ്രദർശനം നടത്തിയത്. യുവതി ഇയാളുടെ ദൃശ്യം മൊബൈൽ ഫോണിൽ പകർത്തിയിരുന്നു. ഈ ദൃശ്യം സഹിതമാണ് ഈസ്റ്റ് പൊലീസാിൽ പരാതി നൽകിയത്.