ഓണത്തോടനുബന്ധിച്ച് സംസ്ഥാനത്തെ എല്ലാ റേഷന്‍ കാർഡുടമകള്ക്കും സൗജന്യ ഓണക്കിറ്റ് നല്‍കുന്നതിന്റെ സംസ്ഥാനതല ഉദ്ഘാടനം ഇന്ന് വൈകുന്നേരം നാല് മണിക്ക് മുഖ്യമന്ത്രി പിണറായി വിജയന്‍ നിർവഹിക്കും. ഭക്ഷ്യ മന്ത്രി ജി ആ‍ർ അനില്‍ അധ്യക്ഷനാകും. ഗതാഗതമന്ത്രി ആന്റണി രാജു, വിദ്യാഭ്യാസ മന്ത്രി വി ശിവന്‍കുട്ടി എന്നിവർ മുഖ്യാതിഥികളായിരിക്കും.
23, 24 തീയതികളിലായി എഎവൈ (മഞ്ഞ) കാർഡുടമകള്ക്കും 25, 26, 27 തീയതികളില്‍ പിഎച്ച്എച്ച് (പിങ്ക്) കാർഡുടമകള്ക്കും 29, 30, 31 തിയതികളില്‍ എന്‍പിഎസ് (നീല) കാർഡുടമകള്ക്കും സെപ്റ്റംബർ ഒന്നു മുതല്‍ മൂന്നു വരെയുള്ള തീയതികളില്‍ എന്‍പിഎന്‍എസ് (വെള്ള) കാർഡുടമകള്ക്കും സൗജന്യ ഭക്ഷ്യ കിറ്റുകള്‍ വിതരണം നടത്തുന്നതാണ്. ഏതെങ്കിലും കാരണങ്ങളാല്‍ ഈ ദിവസങ്ങളില്‍ ഓണക്കിറ്റ് വാങ്ങാന്‍ കഴിയാത്തവർക്ക് സെപ്റ്റംബർ നാല് മുതല്‍ ഏഴു വരെയുള്ള തീയതികളില്‍ കിറ്റ് വാങ്ങാവുന്നതാണ്.
English Summary:onamkit ; State level inauguration today
You may also like this video
