വൈക്കം വടയാറിൽ കാർ തോട്ടിലേക്ക് മറിഞ്ഞ് ഒരാൾ മരിച്ചു. വടയാർ സ്വദേശി മാലിയിൽ അശോകനാണ് മരിച്ചത്. ആഴം കൂടിയ സ്ഥലം ആയതിനാൽ ഫയർഫോഴ്സിന്റെ സഹായത്തോടെ വാഹനത്തിനുള്ളിൽ നിന്ന് ഇദ്ദേഹത്തെ പുറത്തെടുത്ത് ആശുപത്രിയിൽ എത്തിച്ചപ്പോഴേക്കും മരണം സംഭവിച്ചു. കാറും തുടർന്ന് കരയ്ക്കെത്തിച്ചു. വടയാർ പള്ളിക്ക് സമീപം രാത്രി 9.30 ഓടെയാണ് അപകടം. കാറിൽ അശോകൻ മാത്രമെ ഉള്ളൂ എന്നാണ് പ്രാഥമിക നിഗമനം. തലയോലപ്പറമ്പിൽ നിന്നും ജോലി കഴിഞ്ഞ് വടയാറിലെ വീട്ടിലേക്ക് മടങ്ങു മ്പോഴാണ് അപകടം.
കാര്‍ പുഴയിലേക്ക് താഴുന്നത് കണ്ട വഴിയാത്രക്കാര്‍ രക്ഷാപ്രവര്‍ത്തനത്തിന് ശ്രമം ആരംഭിക്കുകയും പൊലീസിനെ വിവരം അറിയിക്കുകയും ചെയ്തു. പൊലീസ് അറിയിച്ചതനുസരിച്ച് ഫയര്‍ഫോഴ്സും സ്ഥലത്തെത്തുകയായിരുന്നു. ഹൃദ് രോഗസംബന്ധമായ ചികിത്സയിലായിരുന്നു അശോകന്‍.
English Sammury: one dead reported in car accident at vaikom
