യുഎസ് വീണ്ടും കോവിഡിന്റെ പിടിയില്‍. തിങ്കളാഴ്ച മാത്രം 10 ലക്ഷത്തിലധികം കേസുകള്‍ റിപ്പോർട്ട് ചെയ്തു. ഇതിൽ ഭൂരിപക്ഷവും ഒമിക്രോൺ കേസുകളുമാണ്. മുൻ കോവിഡ് തരംഗത്തിൽ റിപ്പോർട്ട് ചെയ്തതിനേക്കാൾ മൂന്ന് മടങ്ങ് പുതിയ കേസുകളാണ് രാജ്യത്ത് റിപ്പോർട്ട് ചെയ്തത്. നാലു ദിവസം മുമ്പ് റിപ്പോർട്ട് ചെയ്ത 5,90,000 കേസുകളായിരുന്നു നേരത്തെയുള്ള റെക്കോഡ്.
ഡെൽറ്റ വകഭേദത്തിന്റെ വ്യാപനത്തിനിടെ കഴിഞ്ഞ വർഷം മെയ് ഏഴിന് റിപ്പോർട്ട് ചെയ്ത 4,14,000 കേസുകളാണ് അതിനു മുമ്പുള്ള ഏറ്റവും ഉയർന്ന പ്രതിദിന കേസുകളുടെ എണ്ണം. കഴിഞ്ഞ ആഴ്ചയിൽ 100 പേരിൽ ഒരാൾക്ക് രാജ്യത്ത് കോവിഡ് സ്ഥിരീകരിച്ചതായി പറയുന്നു. കോവിഡ് ബാധിച്ച് ആശുപത്രികളിൽ പ്രവേശിപ്പിച്ചവരുടെ എണ്ണത്തിലും റെക്കോഡ് വർധന രേഖപ്പെടുത്തി. ഒരു ലക്ഷത്തിലധികം പേരെ ഇന്നലെ യുഎസിലെ വിവിധ ആശുപത്രികളിൽ പ്രവേശിപ്പിച്ചു.
ENGLISH SUMMARY:One million cases a day in the US
You may also like this video
