പാലക്കാട് മലമ്പുഴയില്‍ സിപിഐഎം പ്രവര്‍ത്തകനെ ആര്‍എസ്എസ് പ്രവര്‍ത്തകര്‍ വെട്ടിക്കൊന്നു.
പാലക്കാട് സിപിഐഎം ലോക്കല്‍ കമ്മിറ്റി അംഗം കൊട്ടേക്കാട് കുന്നംക്കാട് സ്വദേശി ഷാജഹാ(40)നാണ് കൊല്ലപ്പെട്ടത്. സിപിഐഎം മരുത റോഡ് ലോക്കല്‍ കമ്മിറ്റി അംഗമാണ് ഷാജഹാന്‍. വടിവാള്‍ കൊണ്ട് തലയ്ക്കും കഴുത്തിലും വെട്ടേറ്റതായാണ് റിപ്പോര്‍ട്ട്.
ഭാര്യ: ഐശുമ്മ, മക്കള്‍: ഷാഹിര്‍, ഷഹീര്‍, ഷിഫാന.
ഞായറാഴ്ച രാത്രയോടെ 9.30 ഓടെയാണ് കൊലപാതകം നടന്നതെന്നാണ് റിപ്പോര്‍ട്ടുകള്‍. കടയ്ക്ക് മുന്നില്‍ നില്‍ക്കുകയായിരുന്ന ഷാജഹാനെ ഒരു സംഘം വടിവാള്‍ ഉപയോഗിച്ച് ആക്രമിക്കുകയായിരുന്നു. ഉടന്‍തന്നെ ആശുപത്രിയില്‍ എത്തിച്ചെങ്കിലും ഷാജഹാന്‍ മരിക്കുകയായിരുന്നു.
സംഭവത്തിന് പിന്നാലെ കൊട്ടേക്കാടും പരിസരും വന്‍ പൊലീസ് കാവല്‍ ഏര്‍പ്പെടുത്തിയിരിക്കുകയാണ്.
English Summary: Palakkad CPIM worker hacked to death by RSS workers; Cut on the head and neck, Palakkad is under heavy police guard
You may like this video also
