പാലക്കാട് കഞ്ചിക്കോട് ജനവാസ മേഖലയിൽ ജനവാസ മേഖലയിൽ വീണ്ടും കാട്ടാനയിറങ്ങി. കേന്ദ്ര പൊതുമേഖല സ്ഥാപനമായ ഇൻസ്ട്രുമെന്റേഷനിലെ ടൗൺഷിപ്പിലാണ് ആനയെത്തിയത്. ജീവനക്കാരുടെ ക്വട്ടേഴ്സ് ഉൾപ്പെടെ ഉള്ള ഭാഗമാണ് ടൗൺഷിപ്പ് . കഴിഞ്ഞദിവസം വൈകിട്ട് ആറുമണിയോടെയാണ് ടൗൺഷിപ്പിലേക്ക് കാട്ടാന എത്തിയത്. വ്യാവസായിക മേഖലയിലേക്ക് വരെ ആന എത്തിയതോടെ വലിയ ആശങ്കയിലാണ് ജനങ്ങൾ.
അതേസമയം കഴിഞ്ഞദിവസം അതിരപ്പള്ളിയിൽ കാട്ടാനയുടെ ചവിട്ടേറ്റ് വത്സ എന്ന സ്ത്രീ കൊല്ലപ്പെട്ടത്. വന വിഭവങ്ങള്‍ ശേഖരിക്കാന്‍ പോകുന്നതിനിടെയാണ് വത്സയെ കാട്ടാന ചവിട്ടിക്കൊന്നത്. പിന്നില്‍ നിന്നെത്തിയ കാട്ടാന തുമ്പിക്കൈകൊണ്ട് തട്ടിയിട്ടശേഷം ചവിട്ടിക്കൊല്ലുകയായിരുന്നു. വത്സയോടുള്ള ആദരസൂചകമായി അതിരപ്പിള്ളി വിനോദ സഞ്ചാര കേന്ദ്രം ഇന്ന് അടച്ചിടും. വത്സയുടെ സംസ്കാരച്ചടങ്ങുകള്‍ വനസംരക്ഷണ സമിതിയുടെ മേല്‍നോട്ടത്തില്‍ നടക്കുക.
English Summary:Palakkad Kanchikode wild elephant
You may also like this video
