തിരുവനന്തപുരം മെഡിക്കല് കോളജിലെ ലിഫ്റ്റില് കുടുങ്ങിയ രോഗിക്ക് നഷ്ടപരിഹാരം നല്കി. പോങ്ങുംമൂട് സ്വദേശി രവീന്ദ്രൻ നായർക്കാണ് അഞ്ച് ലക്ഷം രൂപ നഷ്ടപരിഹാരം നല്കിയത്. 42 മണിക്കൂറാണ് അദ്ദേഹം ലിഫ്റ്റില് കുടുങ്ങിയത്.നഷ്ടപരിഹാരം നൽകാൻ സർക്കാരിനോട് മനുഷ്യാവകാശ കമ്മിഷൻ ചെയർപഴ്സൻ ജസ്റ്റിസ് അലക്സാണ്ടർ തോമസ് ഉത്തരവിടുകയായിരുന്നു. രണ്ടുമാസത്തിനുള്ളിൽ തുക കൈമാറണമെന്നും ഉത്തരവിലുണ്ട്. അതേസമയം ലിഫ്റ്റിന്റെ സർവീസ് നടത്തുന്ന കമ്പനിക്ക് വീഴ്ച സംഭവിച്ചിട്ടുണ്ടെങ്കിൽ അവർക്കെതിരെ നിയമാനുസൃതം നടപടിയെടുക്കാനും സർക്കാരിനോടു ആവശ്യപ്പെട്ടു. മാധ്യമങ്ങളിൽ വന്ന വാർത്തയുടെ അടിസ്ഥാനത്തിൽ കമ്മിഷൻ സ്വമേധയാ റജിസ്റ്റർ ചെയ്ത കേസിന് പുറമേ രവീന്ദ്രൻ നായരും മനുഷ്യാവകാശ കമ്മിഷനിൽ പരാതി നൽകിയിരുന്നു.
തിരുവനന്തപുരം മെഡിക്കല് കോളജിലെ ലിഫ്റ്റില് കുടുങ്ങി രോഗി; അഞ്ച് ലക്ഷം രൂപ നഷ്ടപരിഹാരം നല്കാൻ ഉത്തരവിട്ട് മനുഷ്യാവകാശ കമ്മിഷൻ
