രണ്ടുപേരുടെ മരണത്തിനും നിരവധി പേര്‍ക്ക് പരിക്കേല്‍ക്കാനും ഇടയാക്കിയ കളമശ്ശേരിയിലെ സ്ഫോടനത്തില്‍ സിപിഐ സംസ്ഥാന സെക്രട്ടറി കാനം രാജേന്ദ്രന്‍ ഉല്‍ക്കണ്ഠ രേഖപ്പെടുത്തി. ഏതു കാരണത്താലായും മനുഷ്യജീവന് ഹാനി വരുത്തുകയും ആളുകളില്‍ ഭീതി ജനിപ്പിക്കുകയും ചെയ്യുന്ന ഇത്തരം സംഭവങ്ങള്‍ അപലപനീയമാണ്. ഇതിന് പിന്നില്‍ പ്രവര്‍ത്തിച്ചവരെ നിയമത്തിന് മുന്നില്‍ കൊണ്ടുവന്ന്, അര്‍ഹവും മാതൃകാപരവുമായ ശിക്ഷ ലഭ്യമാക്കുന്നതിനുള്ള നടപടികള്‍ അധികൃതരുടെ ഭാഗത്തുനിന്നുണ്ടാകുമെന്നാണ് പ്രതീക്ഷിക്കുന്നത്.
അതേസമയം ഇതിന്റെ പേരില്‍ വിദ്വേഷ പ്രചരണം നടത്തുന്നവരെ ഒറ്റപ്പെടുത്തുകയും പ്രചാരണങ്ങളിൽ ബോധപൂർവം വീഴാതിരിക്കുകയും ചെയ്യുക എന്നതാണ് എല്ലാ ജനാധിപത്യ വിശ്വാസികളുടെയും കടമയെന്ന് കാനം രാജേന്ദ്രൻ പ്രസ്താവനയിൽ പറഞ്ഞു.
English Summary: People will not allow the peace and harmony of Kerala to be destroyed: Kanam Rajendran
You may also like this video
