ജനപ്രതിനിധികൾ ഇടപെടലുകളിൽ പക്വത കാണിക്കണമെന്ന് റവന്യു മന്ത്രി കെ രാജൻ. കണ്ണൂർ എഡിഎം നവീൻ ബാബു സത്യസന്ധനായ ഉദ്യോഗസ്ഥനായിരുന്നുവെന്നും അദ്ദേഹത്തിനെതിരെ ഒരു പരാതിയിലും ലഭിച്ചിരുന്നില്ലെന്നും മന്ത്രി പറഞ്ഞു. നവീൻ ബാബുവിന്റെ മരണം വലിയ നഷ്ടവും ഏറെ ദുഖകരവുമാണ്. ദൗർഭാഗ്യകരമായ സംഭവമാണുണ്ടായത്. മരണത്തിൽ ഗൗരവകരമായ അന്വേഷണം നടത്തുമെന്നും മന്ത്രി വ്യക്തമാക്കി. യാത്രയയപ്പ് വേളയിൽ കണ്ണൂർ ജില്ലാ പഞ്ചായത്ത്‌ പ്രസിഡന്റ്‌ പിപി ദിവ്യ നടത്തിയ അഴിമതിയാരോപണത്തോട് പ്രതികരിക്കുകയായിരുന്നു മന്ത്രി. അദ്ദഹത്തിന്റെ മരണത്തിലും അതിലേക്ക് നയിച്ച കാരണത്തിലും സമഗ്രമായ റിപ്പോർട്ട് നൽകുവാൻ മന്ത്രി കളക്ടറോട് ആവശ്യപ്പെട്ടു.
ജനപ്രതിനിധികൾക്ക് പക്വതയും ധാരണയും വേണം; നവീൻ ബാബു സത്യസന്ധനായ ഉദ്യോഗസ്ഥൻ
