യുപിയിലെ മീററ്റില് മൊബൈല്ഫോണ് ചാര്ജര് പൊട്ടിത്തെറിച്ച് നാല് കുട്ടികള് വെന്തുമരിച്ചു. രക്ഷിതാക്കള്ക്കും ഗുരുതരമായി പരുക്കേറ്റു. മീററ്റിലെ പല്ലവ്പുരത്താണ് സംഭവം. 12 വയസ്സില് താഴെയുള്ള കുട്ടികളാണ് ദാരുണമായി മരിച്ചത്. 60 ശതമാനത്തിന് മുകളില് പൊള്ളല് ഉള്ളതിനാല് മരിച്ച കുട്ടികളുടെ മാതാവിനെ ഡല്ഹി എയിംസ് ആശുപത്രിയിലേക്ക് മാറ്റി.
കിടക്കയിലേക്ക് അതിവേഗം തീപടര്ന്നതാണ് കുട്ടികളുടെ മരണത്തിന് ഇടയാക്കിയതെന്ന് പൊലീസ് ഉദ്യോഗസ്ഥര് അറിയിച്ചു. തീപിടിത്തത്തെ കുറിച്ച് വിവരം ലഭിച്ച ട്രോണിക് സിറ്റി ഫയർ സ്റ്റേഷൻ അഞ്ച് എഞ്ചിനുകൾ സ്ഥലത്തേക്ക് അയച്ചിരുന്നു. രണ്ട് മണിക്കൂർ നീണ്ട പരിശ്രമത്തിനൊടുവിലാണ് തീ അണക്കാനായതെന്ന് അധികൃതര് അറിയിച്ചു.
English Summary: Phone charger explodes and catches fire: Four children burn to death in UP
You may also like this video