കോൺഗ്രസ് നേതാവ് കെ കരുണാകരന്റെ ചിത്രം വച്ച് ബിജെപി ഫ്ലക്സ് അടിച്ചതിനെതിരെ പൊലീസില്‍ പരാതി നൽകി യൂത്ത് കോൺഗ്രസ്. മലപ്പുറം നിലമ്പൂരിലാണ് മോഡിക്കും പത്മജയ്ക്കുമൊപ്പം കെ കരുണാകരൻ്റെ ചിത്രം വച്ചത്. സംഭവം വിവാദമായതോടെ യൂത്ത് കോൺഗ്രസ് പൊലീസിൽ പരാതി നൽകുകയായിരുന്നു.
കോൺഗ്രസ് നേതാവും കെ കരുണാകരന്റെ മകളുമായ പത്മജ വേണുഗോപാലിൻ്റെ ബിജെപി പ്രവേശനത്തിനു പിന്നാലെയാണ് പോസ്റ്റർ പ്രത്യക്ഷപ്പെട്ടത്. ബിജെപി നിലമ്പൂർ മുനിസിപ്പൽ കമ്മിറ്റിയാണ് ബോർഡ് സ്ഥാപിച്ചത്. പത്മജയെ ബിജെപിയിലേക്ക് സ്വാഗതം ചെയ്താണ് പോസ്റ്റർ. പ്രധാനമന്ത്രി മോഡിയ്ക്കും പത്മജയ്ക്കുമൊപ്പമാണ് കെ കരുണാകരൻ്റെ ചിത്രം. യൂത്ത് കോൺഗ്രസ് പ്രവർത്തകരെത്തി പോസ്റ്റർ നശിപ്പിച്ചു.
English Summary: picture k karunakaran with modi padmaja bjp flex board
You may also like this video
