പൈലറ്റിനെ കാണാനില്ല; ഇന്ത്യൻ വ്യോമസേനയുടെ സുഖോയ് യുദ്ധവിമാനം തകർന്നു വീണതായി സൂചന

ഇന്ത്യൻ വ്യോമസേനയുടെ സുഖോയ് യുദ്ധവിമാനം തകർന്നു വീണതായി സൂചന. വിമാനത്തിന് റഡാർ ബന്ധം നഷ്ടപ്പെട്ടതായി ഉദ്യോഗസ്ഥർ അറിയിച്ചു. വിമാനത്തിന് എന്ത് സംഭവിച്ചു എന്ന് കണ്ടെത്താനായി വ്യോമസേനയുടെ ഒരു സംഘത്തെ നിയോഗിച്ചതായും അധികൃതർ കൂട്ടിച്ചേർത്തു.
സുഖോയ്-30 എംകെ 1 യുദ്ധവിമാനമാണ് അസമിൽ വെച്ച് കാണാതായത്. വിമാനവുമായുള്ള ബന്ധം നഷ്ടപ്പെട്ടതായുള്ള വിവരത്തെതുടര്‍ന്ന് പരിശോധന ആരംഭിച്ചതായി ഗുവാഹട്ടി പ്രതിരോധ പിആര്‍ഒ അറിയിച്ചു. വ്യോമസേനയാണ് ഇതുസംബന്ധിച്ച പരിശോധന നടത്തുന്നത്.. വിമാനത്തിന്റെ പൈലറ്റിനെയും കാണാനില്ലെന്നാണ് വിവരം. ഇന്ന് വൈകിട്ട് ഏഴുമണിയോടെയാണ് സംഭവം.