തിരുവനന്തപുരത്ത് രക്ഷപ്പെടാൻ ശ്രമിച്ച കൊലക്കേസ് പ്രതിയെ പിടികൂടി പൊലീസ്. തിരുവനന്തപുരം കാട്ടാക്കട കോടതിക്ക് സമീപത്ത് ഇന്ന് രാവിലെയാണ് സംഭവം. കാട്ടാക്കട ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കാൻ കൊണ്ടുവന്ന പ്രതി രാജേഷാണ് ഓടി രക്ഷപ്പെടാൻ ശ്രമിച്ചത്. മൂത്രമൊഴിക്കണമെന്ന് പ്രതി ആവശ്യപ്പെട്ടപ്പോൾ വിലങ്ങ് അഴിച്ചു കൊടുത്ത സമയത്താണ് ഇയാള്‍ രക്ഷപ്പെടാൻ ശ്രമിച്ചത്. തുടര്‍ന്ന് ഒരു വീടിന്റെ ശുചിമുറിയിൽ കയറി ഒളിച്ചിരിക്കുകയായിരുന്ന ഇയാളെ പൊലീസ് കണ്ടെത്തുകയായിരുന്നു.
വടപ്പാറയിലെ 15 വയസുകാരിയെ പീഡിപ്പിച്ച് കൊലപ്പെടുത്തിയ കേസിലെ പ്രതി രാജേഷ്. മുമ്പ് നെയ്യാർ ഡാം ഓപ്പൺ ജയിലിൽ നിന്നും ചാടിയ രണ്ട് പ്രതികളിൽ ഒരാളാണ് ഇയാൾ. ഒളിവിലായിരുന്നു ഇയാളെ ഒരു വര്‍ഷത്തിന് ശേഷമായിരുന്നു പൊലീസിന് പിടികൂടാൻ കഴിഞ്ഞത്.
English Summary: pocso murder case accused tries to escape from police custody
You may also like this video
