രാഹുല് മാങ്കൂട്ടത്തിലില് എംഎല്എക്കെതിരായ ബിജെപി നേതാക്കളുടെ കൊലവിളി പ്രസംഗത്തില് കേസെടുത്ത് പൊലീസ്. ബിജെപി പാലക്കാട് ഈസ്റ്റ് ജില്ലാ അധ്യക്ഷന് പ്രശാന്ത് ശിവന്, ജില്ലാ ജനറല് സെക്രട്ടറി ഓമനക്കുട്ടന് എന്നിവര്ക്കെതിരെയാണ് കേസ്. വിഡിയോ തെളിവുകള് ഉള്പ്പെടെ പരിശോധിച്ചാണ് നടപടി.
പാലക്കാട് നഗരസഭയുടെ വികസന പദ്ധതിക്ക് ആര്എസ്എസ് നേതാവ് ഹെഡ്ഗേവാറിന്റെ പേര് നല്കുന്നതിനെച്ചൊല്ലിയുള്ള തര്ക്കമാണ് ബിജെപിയും എംഎല്എയും തമ്മിലുള്ള പോരിന് കാരണം. പദ്ധതിക്ക് ആര്എസ്എസ് നേതാവിന്റെ പേരിടാന് അനുവദിക്കില്ലെന്ന് എംഎല്എ വ്യക്തമാക്കിയിരുന്നു.ബിജെപി നേതാക്കള്ക്കെതിരെ കേസെടുക്കാത്തതില് പ്രതിഷേധിച്ച് ഇന്നലെ വ്യാപക പ്രതിഷേധം നടന്നിരുന്നു. അതിനിടെ പാര്ട്ടി ഓഫീസുകള് കേന്ദ്രീകരിച്ച് മാര്ച്ചും വ്യക്തി അധിഷ്ഠിതമായ പ്രകോപനപരമായ പ്രസംഗങ്ങളും ഒഴിവാക്കണമെന്ന് പൊലീസ് വിളിച്ച സര്വകക്ഷിയോഗം നിര്ദേശിച്ചു.