കോട്ടയം ഈസ്റ്റ് പൊലീസ് സ്റ്റേഷനിലെ സിപിഒയെ കാണാതായി. ഇന്ന് രാവിലെ മുതലാണ് സിപഒ ബഷീറിനെ കാണാതായത്. ബഷീറിന്റെ ഫോണ്‍ ക്വാര്‍ട്ടേഴ്സില്‍ നിന്ന് കണ്ടെത്തിയിരുന്നു.വാറണ്ട് പ്രതിയെ അറസ്റ്റ് ചെയ്യാനായി പുലര്‍ച്ചെ അഞ്ച് മണിക്ക് സ്റ്റേഷനില്‍ എത്താന്‍ സഹപ്രവര്‍ത്തകര്‍ ആവശ്യപ്പെട്ടിരുന്നു. എന്നാല്‍ പൊലീസ് എത്താതിരുന്നതിനെ തുടര്‍ന്ന് മൊബൈല്‍ ഫോണില്‍ വിളിച്ചെങ്കിലും ഫോണ്‍ എടുത്തില്ല.
രാവിലെ ക്വാട്ടേഴ്സില്‍ നിന്ന് ഇറങ്ങിയതായി ഭാര്യ അറിയിച്ചു. വീണ്ടും ഫോണ്‍ വിളിച്ചപ്പോള്‍ വീട്ടിനുള്ളില്‍ നിന്ന് ഫോണ്‍ റിങ് ചെയ്യുകയായിരുന്നു. വീട്ടിനുള്ളില്‍ നിന്ന് പഴ്സും കണ്ടെത്തി. തുടര്‍ന്ന് നടത്തിയ അന്വേഷണത്തില്‍ പൊലീസുകാരന്‍ റയില്‍വേ സ്റ്റേഷനില്‍ എത്തിയിരുന്നതായി കണ്ടെത്തി. അവിടെ നിന്ന് ട്രെയിനില്‍ പൊയിട്ടുണ്ടാകുമെന്ന് നിഗമനത്തിലാണ് പൊലീസ്. സംഭവത്തില്‍ എഫ്‌ഐആര്‍ ഇട്ട് കേസ് അന്വേഷണം തുടങ്ങിയതായി ജില്ലാ പൊലീസ് മേധാവി അറിയിച്ചു.
English Summary;Policeman missing from Kottayam
You may also like this video
