അഞ്ച് സൈനികര്‍ വീരമൃത്യു വരിച്ച പൂഞ്ച് ഭീകരാക്രമണത്തില്‍ ആറ് പൂഞ്ച് സ്വദേശികളെ ജമ്മു കശ്മീർ പൊലീസ് അറസ്റ്റ് ചെയ്തു. ഭീകരരെ സഹായിച്ചുവെന്ന പേരിലാണ് അറസ്റ്റെന്ന് കശ്മീർ പൊലീസ് ഡിജിപി ദിൽബാഗ് സിങ് പറഞ്ഞു. 20ന് തീവ്രവാദികൾ പതിയിരുന്ന് സൈനികവാഹനം ആക്രമിക്കുകയായിരുന്നു. സ്റ്റീൽ പൊതിഞ്ഞ കവചം തുളയ്ക്കുന്ന ബുള്ളറ്റുകളും സ്റ്റിക്കി ബോംബുകളും ഗ്രനേഡുകളും ആക്രമണത്തിന് ഉപയോഗിച്ചിട്ടുണ്ട്. ആക്രമണത്തില്‍ അഞ്ച് സൈനികർ കൊല്ലപ്പെടുകയും ഒരാൾക്ക് ഗുരുതരമായി പരിക്കേൽക്കുകയും ചെയ്തു. അറസ്റ്റിലായവരിലൊരാളായ നിസാർ അഹമ്മദും കുടുംബവുമാണ് ഭീകരര്‍ക്ക് ഭക്ഷണവും താമസസൗകര്യവും നൽകിയതെന്നും പ്രാദേശിക പിന്തുണയില്ലാതെ ഇത്തരം ആക്രമണങ്ങൾ നടത്താൻ കഴിയില്ലെന്നും ദില്‍ബാഗ് സിങ് പറഞ്ഞു.
English Summary;Poonch attack: Six arrested
You may also like this video
