സിപിഐ സെക്രട്ടറി ബിനോയ് വിശ്വത്തിന് പ്രവാസി ചാനൽ ‘പ്രവാസി മിത്രം’ അവാർഡ്. ശനിയാഴ്ച നടക്കുന്ന കേരള കൾച്ചറൽ അസോസിയേഷൻ ഓഫ് നോർത്ത് അമേരിക്കയുടെ (കെസിഎഎൻഎ) ഓണാഘോഷത്തിൽ പുരസ്കാരം സമ്മാനിക്കും.
എൽമോണ്ടിലുള്ള സെൻറ് വിൻസെന്റ് പോൾ സീറോ മലങ്കര കത്തോലിക്ക കത്തീഡ്രൽ ഹാളിൽ നടക്കുന്ന ആഘോഷത്തിൽ മുഖ്യാതിഥിയായി ബിനോയ് വിശ്വം പങ്കെടുക്കും. ഓണസദ്യയ്ക്ക് പുറമെ ഒട്ടേറെ കലാപരിപാടികളും ആഘോഷത്തെ അവിസ്മരണീയമാക്കും. അമേരിക്കൻ മലയാളികൾക്ക് മുൻഗണന നൽകുന്ന ചാനൽ, 24 മണിക്കൂർ ചാനലായ പ്രവാസി ചാനൽ 13 വര്ഷം പിന്നിട്ടു.