ഉക്രെയ്‍നിലെ റഷ്യൻ അനുകൂല പ്രതിപക്ഷ നേതാവും പ്രസിഡന്റ് വ്ലാദിമിർ പുടിന്റെ അടുത്ത അനുയായിയുമായ വിക്ടർ മെദ്‌വെഡ്‌ചുക് അറസ്റ്റിൽ. ഉക്രെയ്ന് രഹസ്യാന്വേഷണ ഏജൻസിയായ എസ്ബിയു നടത്തിയ പ്രത്യേക ഓപ്പറേഷനിലാണ് ഇദ്ദേഹത്തെ പിടികൂടിയത്. ഉക്രെയ്ന് ദേശീയ സുരക്ഷ ഏജൻസി തലവൻ ഇവാൻ ബക്കനോവ് ‚ഏജൻസിയുടെ ടെലിഗ്രാം ചാനലിൽ അറസ്റ്റ് സ്ഥിരീകരിച്ചു.
വിക്ടർ കൈവിലങ്ങണിഞ്ഞ് ഇരിക്കുന്ന ഫോട്ടോ ഉക്രെയ്ന് പ്രസിഡന്റ് വ്ലാദിമിര്‍ സെലൻസ്‌കിയും സമൂഹമാധ്യമത്തില്‍ പങ്കുവച്ചിരുന്നു. യുദ്ധത്തടവുകാരെ മോചിപ്പിച്ചാല്‍ മെദ്‌വെഡ്‌ചുകിനെ വിട്ടയക്കാമെന്ന് ഉക്രെയ്ന് അറിയിച്ചിട്ടുണ്ട്.
രാജ്യദ്രോഹക്കുറ്റം ചുമത്തപ്പെട്ട് വീട്ടുതടങ്കലിലായിരുന്ന വീട്ടുതടങ്കലിലായിരുന്ന വിക്ടർ യുദ്ധം പൊട്ടിപ്പുറപ്പെട്ടതിന് തൊട്ടുപിന്നാലെ ഒളിവിൽ പോകുകയായിരുന്നു. റഷ്യൻ അനുകൂല പ്രതിപക്ഷ പാർട്ടിയുടെ നേതാവും നാറ്റോയിൽ ചേരാനുള്ള ഉക്രെയ്ൻ നീക്കത്തിനെതിരെ ശക്തമായ നിലപാടെടുത്തയാളുമാണ് 67കാരനായ വിക്ടർ മെദ്‌വെഡ്‌ചുക്.
English summary; Putin follower Arrested in Ukraine
You may also like this video;
