ഓസ്ട്രേലിയയിലെ സിഡ്നിയില്‍ ഇന്ത്യന്‍ വിദ്യാര്‍ത്ഥിയ്ക്കുനേരെ ആക്രമണം. ഇന്ത്യന്‍ വിദ്യാര്‍ത്ഥിയായ ശുഭം ഗാര്‍ഗാണ് വിദ്വേഷത്തിനിരയായത്. കഴിഞ്ഞയാഴ്ചയാണ് കത്തിക്കുത്തേറ്റത്. അക്രമി 11 തവണ കുത്തിപ്പരിക്കേല്‍പ്പിച്ചതായും ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.
സിഡ്‌നിയിലെ ന്യൂ സൗത്ത് വെയിൽസ് യൂണിവേഴ്‌സിറ്റിയിലെ പിഎച്ച്ഡി ഗവേഷകനാണ് ശുഭം. ശുഭമിന്റെ മുഖത്തും നെഞ്ചിലും വയറിലുമായി ഒന്നിലധികം മുറിവുകൾ ഉണ്ടായതായി റിപ്പോർട്ടുകൾ പറയുന്നു. അതേസമയം വംശീയ ആക്രമണമാണോ ഇതെന്ന് കണ്ടെത്താനുള്ള ശ്രമങ്ങള്‍ പുരോഗമിക്കുകയാണ്. പണം ആവശ്യപ്പെട്ടാണ് അക്രമി കുത്തിയതെന്നും റിപ്പോര്‍ട്ടുകളുണ്ട്.
English Summary: Racist attack on Indian student in Sydney: Gunman stabbed 11 times
You may like this video also
