അസമില്‍ ക്ഷേത്രദര്‍ശനത്തിനെത്തിയ കോണ്‍ഗ്രസ് നേതാവ് രാഹുല്‍ ഗാന്ധിയെ പൊലീസ് തടഞ്ഞു. അസമിലെ ശ്രീ ശ്രീ ശങ്കര്‍ദേവിന്‍റെ ജന്മസ്ഥലം സന്ദര്‍ശിക്കാനെത്തിയപ്പോഴാണ് സംഭവം. ഭാരത് ജോഡോ ന്യായ് യാത്രക്കിടെയാണ് രാഹുല്‍ ക്ഷേത്രത്തിലേക്ക് എത്തിയത്. എന്നാല്‍ പ്രാണപ്രതിഷ്ഠയ്ക്ക് ശേഷം മാത്രമേ പ്രവേശിപ്പിക്കൂവെന്നാണ് ക്ഷേത്രം അധികൃതരുടെ നിലപാട്. തന്നെ എന്തിനാണ് തടയുന്നതെന്ന് പൊലീസ് ഉദ്യോഗസ്ഥരോട് രാഹുല്‍ ചോദിച്ചു.
അയോധ്യയിലെ പ്രാണപ്രതിഷ്ഠാ ചടങ്ങ് നടക്കുമ്പോള്‍ അസമിലെ ശ്രീ ശ്രീ ശങ്കര്‍ദേവിന്‍റെ ജന്മസ്ഥലം സന്ദര്‍ശിക്കുമെന്ന് നേരത്തെ തന്നെ രാഹുല്‍ ഗാന്ധി അറിയിച്ചിരുന്നു. ഇതുസംബന്ധിച്ച അനുമതിയും തേടിയിരുന്നു. എന്നാല്‍ വിശ്വാസികളുടെ തിരക്ക് കണക്കിലെടുത്ത് രാഹുലിന് മൂന്ന് മണിക്ക് സന്ദർശനം അനുവദിക്കാമെന്നാണ് ക്ഷേത്രസമിതി ഇന്നലെ അറിയിച്ചതെന്നാണ് പൊലീസ് വിശദീകരിക്കുന്നത്. സംഭവത്തില്‍ പ്രതിഷേധിച്ച് മടങ്ങിപ്പോകാതെ രാഹുലും കോണ്‍ഗ്രസ് നേതാക്കളും പ്രതിഷേധിക്കുകയാണ്.
English Summary: Rahul Gandhi stopped from visiting Assam temple
You may also like this video
