2024ലെ ലോക്സഭാ തെരഞ്ഞെടുപ്പില്‍ രാഹുല്‍ഗാന്ധി അമേഠിയില്‍ നിന്ന് മത്സരിക്കുമെന്ന് യുപി കോണ്‍ഗ്രസ് പ്രസിഡന്‍റ് അജയ് റായ് പറഞ്ഞു. എന്നാല്‍ രാഹുലും, പ്രയങ്കയും എവിടെ മത്സരിക്കണമെന്ന കാര്യത്തില്‍ അന്തിമ തീരുമാനമായിട്ടില്ലെന്ന് പാര്‍ട്ടി ഹൈക്കമാന്‍റ് അഭിപ്രായപ്പെട്ടു.
ഉത്തര്‍പ്രദേശ് ഘടകം പ്രസിഡന്‍റിന്‍റെ ആഗ്രഹമാണ് അദ്ദേഹം പറഞ്ഞതെന്നും എഐസിസി നേതാക്കള്‍ പറയുന്നു.കഴിഞ്ഞ ലോക്സഭാ തെരഞ്ഞെടുപ്പില്‍ ബിജെപി നേതാവും കേന്ദ്രമന്ത്രിയുമായ സ്മൃതി ഇറാനിയോടാണ് രാഹുല്‍ ഗാന്ധി അമേഠിയില്‍ പരാജയപ്പെട്ടത്.
പ്രിയങ്കഗാന്ധി പ്രധാനമന്ത്രി നരേന്ദ്രമോഡിക്കെതിരെ വാരാണസിയില്‍ മത്സരിക്കട്ടയെന്നും, യുപിയില്‍ എവിടെ മത്സരിച്ചാലും വിജയം ഉറപ്പാണെന്നും അദ്ദേഹം പറഞ്ഞിരുന്നു.ഇരുവരും മത്സരിക്കുന്നതോടെ കോണ്‍ഗ്രസ് പ്രവര്‍ത്തകരെല്ലാം സജീവമാകുമെന്നും അജയ് റായ് കൂട്ടിച്ചേര്‍ത്തു.ഇതിന് പിന്നാലെയാണ് എഐസിസി ഇടപെടല്‍
English Summary:
Rahul Gandhi will contest Lok Sabha elections from Amethi, Congress UP state president
You may also like this video:
