തമിഴ്നാട് തെങ്കാശിയിൽ മലയാളി വനിതാ ഗേറ്റ് കീപ്പറെ പീഡിപ്പിക്കാൻ ശ്രമം. സംഭവത്തില്‍ പ്രതിയെ പൊലീസ് പിടികൂടി. കൊല്ലം പത്തനാപുരം സ്വദേശി അനീഷിനെയാണ് റെയിൽവേ പൊലീസ് പിടികൂടിയത്. പാവൂർ സത്രം ലവല്‍ക്രോസില്‍ കഴിഞ്ഞ വ്യാഴാഴ്ചയാണ് കൊല്ലം സ്വദേശിയായ യുവതി ആക്രമിക്കപ്പെട്ടത്.
ലവൽ ക്രോസിലെ ഗേറ്റ് കീപ്പറുടെ മുറിയിലെത്തി യുവതിയെ കടന്നു പിടിക്കുകയായിരുന്നു. അകത്തുനിന്ന് മുറി പൂട്ടിയ ശേഷം മുഖത്ത് അടിച്ച് ആക്രമിച്ചു. യുവതി ബഹളമുണ്ടാക്കിയതോടെ ഇയാൾ ഓടി രക്ഷപ്പെടുകയായിരുന്നു. തെങ്കാശിയിൽ പെയിന്റിങ് തൊഴിലാളിയായ പ്രതി നേരത്തെയും ഇത്തരം കേസില്‍ പിടിയിലായിട്ടുണ്ട്. കേരളത്തിൽ കൊല്ലം കുന്നിക്കോട് സ്റ്റേഷനിലും സമാനമായ കേസ് പ്രതിക്കെതിരെ നിലവിലുണ്ടെന്ന് റെയിൽവേ പോലീസ് അറിയിച്ചു.
English Summary: railway gatekeeper attacked in thenkasi
You may also like this video
