രാജസ്ഥാനില്‍ കഴിഞ്ഞ 24 മണിക്കൂറിനിടെ 200 mm മഴ പെയ്തതിനെ തുടര്‍ന്ന് ബന്‍സ്വാര ഉദയ്പൂര്‍ ഹൈവേകളില്‍ വെള്ളം കയറിയതിനാല്‍ ഗതാഗതം നിര്‍ത്തി വച്ചതായി അധികൃതര്‍ അറിയിച്ചു.
കഴിഞ്ഞ 24 മണിക്കൂറിലെ കാലാവസ്ഥ റിപ്പോര്‍ട്ടുകള്‍ പ്രകാരം രാജ്‌സമന്ദ്,ചിറ്റൂഗര്‍,അജ്മിര്‍,ബില്‍വാര പാലി ജില്ലകളില്‍ കനത്ത മഴയാണ് ഉണ്ടായിരിക്കുന്നത്.
ബന്‍സ്വാരയും ദുംഗര്‍പൂറും അടക്കമുള്ള ജില്ലകളില്‍ അതിശക്തമായ മഴ ലഭിച്ചതിനാല്‍ പ്രതാപ്ഗറില്‍ വലിയ വെള്ളപ്പൊക്കം ഉണ്ടായിട്ടുണ്ട്.
പ്രതാപ്ഗറിലെ പിപല്‍കുണ്ഡിലാണ് സംസ്ഥാനത്തെ ഏറ്റവും വലിയ മഴ ലഭിച്ചിരിക്കുന്നത്.260 mm മഴയാണ് സ്ഥലത്ത് രേഖപ്പെടുത്തിയത്.
ബന്‍സ്വാരയില്‍ 195 mm മഴയും ദുന്‍ഗര്‍ഗറിലെ ചിഖാലിയില്‍ 132 mm മഴയുമാണ് പെയ്തത്.