കേരളത്തിലെ പ്രളയത്തില്‍ നിരവധി പേര്‍ക്ക് ജീവന്‍ നഷ്ടപ്പെട്ടുവെന്ന് രാജീവ് ചന്ദ്രശേഖറിന്റെ കുറിപ്പ്. സമൂഹമാധ്യമങ്ങളില്‍ വിമര്‍ശനവും പരിഹാസവും ഉയര്‍ന്നതോടെ കേന്ദ്രമന്ത്രിയും തിരുവനന്തപുരം മണ്ഡലത്തിലെ എന്‍ഡിഎ സ്ഥാനാര്‍ത്ഥിയുമായ രാജീവ് ചന്ദ്രശേഖര്‍ പോസ്റ്റ് മുക്കി തടി രക്ഷിച്ചു.
ഇന്നലെ ഉച്ചയ്ക്കാണ് രാജീവ് ചന്ദ്രശേഖര്‍ ഫേസ്ബുക്ക് അക്കൗണ്ടില്‍ കുറിപ്പ് പങ്കുവച്ചത്. കേരളത്തിലെ പ്രളയത്തില്‍ നിരവധി പേര്‍ക്ക് ജീവന്‍ നഷ്ടപ്പെട്ടുവെന്ന് അറിഞ്ഞതില്‍ അതിയായ ദുഖമുണ്ടെന്നും പരേതരുടെ കുടുംബാംഗങ്ങളുടെ ദുഖത്തില്‍ പങ്കുചേരുന്നുവെന്നുമായിരുന്നു കുറിപ്പ്. ഇതിനെതിരെ മന്ത്രി വി ശിവന്‍കുട്ടിയും തിരുവനന്തപുരം മേയര്‍ ആര്യാ രാജേന്ദ്രനും വി കെ പ്രശാന്ത് എംഎല്‍എയുമുള്‍പ്പെടെയുള്ളവര്‍ ട്രോളുകളുമായി രംഗത്തെത്തി. തുടര്‍ന്ന് അബദ്ധം മനസിലാക്കിയതോടെയാണ് പോസ്റ്റ് ഡിലീറ്റ് ചെയ്തത്.
English Summary:Rajeev Chandrasekhar said that many people died in the floods in Kerala
You may also like this video
