രാമചരിതമാനസത്തെക്കുറിച്ചുള്ള സമാജ്‌വാദി പാർട്ടി നേതാവ് സ്വാമി പ്രസാദ് മൗര്യയുടെ പരാമർശത്തെച്ചൊല്ലി അടുത്തിടെയുണ്ടായ വിവാദം ഉത്തർപ്രദേശില്‍ സമാജ് വാദിപാര്‍ട്ടിക്കും ഭരണകക്ഷിയായ ബിജെപിക്കും തെരഞ്ഞെടുപ്പിൽ നേട്ടമുണ്ടാക്കാൻ ലക്ഷ്യമിട്ടുള്ളതാണെന്ന് ബിഎസ്പി അധ്യക്ഷ മായാവതി ആരോപിച്ചു.
ഉത്തർപ്രദേശിലെ പ്രമുഖ ഒബിസി നേതാവായ മൗര്യ ജനുവരി 22ന് അഭിപ്രായപ്പെട്ടത് തുളസീദാസ് രചിച്ച രാമായണത്തിന്റെ ജനപ്രിയ പതിപ്പായ രാമചരിതമനസിലെ ചില ശ്ലോകങ്ങൾ സമൂഹത്തിലെ വലിയൊരു വിഭാഗത്തെ അവഹേളിക്കുന്നതായി ആരോപിച്ചായിരുന്നു. വാചകത്തിലെ ആ ഭാഗങ്ങൾ നിരോധിക്കണമെന്ന് അദ്ദേഹം ആവശ്യപ്പെട്ടു. രാഷ്ട്രീയ നേട്ടങ്ങൾക്കായി പുതിയ വിവാദങ്ങൾ സൃഷ്ടിക്കാനുള്ള ബിജെപിയുടെ പദ്ധതികൾ എല്ലാവർക്കും അറിയാമെന്നും എന്നാൽ സമാജ്‌വാദി പാർട്ടിയും അത് തന്നെയാണ് ചെയ്യുന്നതെന്നും ബഹുജൻസമാജ്പാർട്ടി പ്രസിഡന്റും മുൻ ഉത്തർപ്രദേശ് മുഖ്യമന്ത്രിയുമായ മായാവതി അഭിപ്രായപ്പെട്ടത്.
സങ്കുചിത രാഷ്ട്രീയ‑തിരഞ്ഞെടുപ്പ് താൽപ്പര്യങ്ങൾക്കായി പുതിയ വിവാദങ്ങൾ സൃഷ്ടിക്കുക, വംശീയവും മതപരവുമായ വിദ്വേഷം പ്രചരിപ്പിക്കുക, മതപരിവർത്തനം തുടങ്ങിയ ബിജെപിയുടെ രാഷ്ട്രീയ സ്വത്വം എല്ലാവർക്കും അറിയാം. എന്നാൽ രാമചരിതമാനസത്തിന്റെ മറവിൽ എസ്പിയുടെ അതേ രാഷ്ട്രീയ നിറം ദുഃഖകരവും ദൗർഭാഗ്യകരവുമാണെന്നും മായാവതി പറഞ്ഞു.മൗര്യയുടെ പരാമർശത്തിൽ എസ്പി നേതൃത്വത്തിന്റെ മൗനത്തെ ചോദ്യം ചെയ്ത അവർ എസ്പിയും ബിജെപിയും തമ്മിലുള്ള ഒത്തുകളിയെയാണ് ഇത് സൂചിപ്പിക്കുന്നതെന്നും പറഞ്ഞു.
രാമചരിതമാനസത്തിനെതിരായ എസ്പി നേതാവിന്റെ പരാമർശങ്ങളും തുടർന്ന് ബിജെപിയുടെ പ്രതികരണങ്ങളും വിവാദമായിട്ടും, വരാനിരിക്കുന്ന തെരഞ്ഞെടുപ്പുകൾ ധ്രുവീകരിക്കാൻ ഇരു പാർട്ടികളും തമ്മിൽ ഒത്തുകളി നടക്കുന്നതിന്‍റെ സൂചനയാണ് എസ്പി നേതൃത്വത്തിന്റെ മൗനം വ്യക്തമാക്കുന്നുത്. പൊതുപ്രശ്‌നങ്ങൾക്ക് പരിഹാരം കാണുന്നതിനു പകരം ഹിന്ദു-മുസ്‌ലിം വിഭാഗങ്ങള്‍ തമ്മിലുള്ള പോര് സൃഷ്ടിക്കുകയാണ്
ഈ രണ്ട്പാർട്ടികളും 2022 ലെ ഉത്തർപ്രദേശ് നിയമസഭാ തിരഞ്ഞെടുപ്പിനെ വർഗീയവൽക്കരിച്ചുവെന്നും അത്തരം വിദ്വേഷകരമായ രാഷ്ട്രീയത്തിനെതിരെ മുന്നറിയിപ്പ് നൽകിയെന്നും അവര്‍ സൂചിപ്പിച്ചു.ഉത്തർപ്രദേശിൽ കഴിഞ്ഞ പൊതു നിയമസഭാ തെരഞ്ഞെടുപ്പിൽ എസ്പി-ബിജെപി ഒത്തുകളിക്കുകയുംവര്‍ഗ്ഗീയത ആളികത്തിക്കുകയും ചെയ്തതായി മായാവതി അഭിപ്രായപ്പെട്ടു
English Summary:
Ramacharitamanasam: Mayawati says it is a matter of political gain for BJP and SP in the elections
You may also like this video:
