റാഞ്ചിയിൽ നിന്നും ന്യൂഡൽഹിയിലേക്ക് പറക്കുകയായിരുന്ന എയർ ആംബുലൻസ് അപകടത്തില്പ്പെട്ടു. ജാർഖണ്ഡിലെ ഛത്ര ജില്ലയിലാണ് തകർന്നുവീണത്. വിമാനത്തില് ഉണ്ടായിരുന്ന രോഗിയും ഡോക്ടറും ജീവനക്കാരുമടക്കം ഏഴ് പേരും മരിച്ചു. പൊള്ളലേറ്റ രോഗിയുമായി ദില്ലിയിലേക്ക് പോയ റെഡ് ബേർഡ് എയർവേയ്സിന്റെ ചെറു വിമാനമാണ് തകർന്നത്. ഇന്നലെ വൈകീട്ട് ഏഴരയോടെയാണ് അപകടമുണ്ടായത്. റാഞ്ചിയിൽ നിന്ന് പറന്നുയർന്ന ഉടനെയാണ് വിമാനം തകർന്നു വീണത്. മോശം കാലാവസ്ഥയാണ് അപകടത്തിന് കാരണമെന്നാണ് നിഗമനം. സംഭവത്തിൽ അന്വേഷണം തുടങ്ങിയിട്ടുണ്ടെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ അറിയിച്ചു.
എയർ ആംബുലൻസ് അപകടം; വിമാനത്തിലുണ്ടായിരുന്ന മുഴുവൻ പേരും മരിച്ചു
