രാജി വെയ്ക്കുന്നതായി രഞ്ജിത്ത് അറിയിച്ചതായി മന്ത്രി സജി ചെറിയാൻ. ചെങ്ങന്നൂരിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. അങ്ങോട്ട് ആവശ്യപ്പെടാതെ തന്നെ രാജി സന്നദ്ധത രഞ്ജിത് ഇങ്ങോട്ട് അറിയിച്ചു.കത്ത് കിട്ടിയാലുടൻ രാജി അംഗീകരിക്കും. സർക്കാർ ആവശ്യപ്പെടാതെ തന്നെയായിരുന്നു രാജി. രാജിക്കത്ത് ഉടൻ അയക്കുമെന്നാണ് രഞ്ജിത്ത് അറിയിക്കുന്നത്.
മാധ്യമങ്ങൾ തെറ്റായ വാർത്ത നൽകുന്നത് വേദനിപ്പിക്കുന്നുവെന്നും. അഞ്ചു സ്ത്രീകൾ ഉള്ള വീട്ടിലാണ് താമസിക്കുന്നതെന്നും സ്ത്രീപക്ഷമാണ് ഇടതുപക്ഷത്തിന്റെ നിലപാടെന്നും മന്ത്രി വ്യക്തമാക്കി. വേട്ടക്കാർക്ക് ഒപ്പമല്ല സർക്കാർ. സർക്കാരിന് ആരെയും സംരക്ഷിക്കാനില്ലെന്നും മന്ത്രി പറഞ്ഞു.
പരാതി കിട്ടിയാലേ കേസെടുക്കുകയുള്ളൂ എന്ന് മന്ത്രി ആവർത്തിച്ചു.