റേഷൻ മണ്ണെണ്ണ വില വീണ്ടും വർധിപ്പിച്ച് കേന്ദ്രസർക്കാർ. അടിസ്ഥാന വില കിലോ ലിറ്ററിന് 77,300 രൂപയായാണ് വർധിപ്പിച്ചത്. നേരത്തെ ഇത് 72,832 ആയിരുന്നു വില. ചില്ലറ വിൽപ്പന വില 84 രൂപയിൽ നിന്ന് 88 രൂപയായി. ഏപ്രിൽ മുതൽ ജൂൺ വരെയുള്ള വിതരണത്തിനു പഴയ വിലയ്ക്കുള്ള മണ്ണെണ്ണ സംസ്ഥാനത്ത് സ്റ്റോക്കുണ്ട്.നിലവിലുള്ള വിലവർധനവ് നടപ്പാക്കണോ എന്നത് സർക്കാരാണ് തീരുമാനിക്കേണ്ടത്.
കഴിഞ്ഞ രണ്ടര വർഷത്തിനിടെ മണ്ണെണ്ണ വിലയില്‍ 70 രൂപയുടെ വർധനവാണ് ഉണ്ടായത്. 18 രൂപയിൽ നിന്നാണ് വില 88ൽ എത്തിനിൽക്കുന്നത്. കഴിഞ്ഞ വർഷം നവംബറില്‍ വില 50 രൂപ കടന്നത്. മത്സ്യബന്ധന മേഖലയ്ക്കാകും വിലവർധനവ് ഏറ്റവും തിരിച്ചടിയായത്.
English Summary:Ration kerosene prices rise again
You may also like this video
