കേരളത്തിൽ ക്രിസ്‌‌മ‌സിന് റെക്കോഡ് മദ്യവിൽപ്പന. ബെവ്കോ ഔട്ട്‌ലെറ്റുകളിൽ വ‍ഴി ഡിസംബർ 22, 23, 24 തീയതികളിലായി കേരളത്തിൽ വിൽപ്പന നടത്തിയത് 229.80 കോടി രൂപയുടെ മദ്യം. കഴിഞ്ഞ വര്‍ഷം ഈ ദിവസങ്ങളിൽ 215.49 കോടിയുടെ മദ്യമാണ് വിൽപ്പന നടത്തിയത്. ക്രിസ്മസ് ദിവസത്തില്‍ മാത്രം 89.52 കോടിയുടെ മദ്യമാണ് വിറ്റഴിച്ചത് .
അതേസമയം സംസ്ഥാനത്ത് ക്രിസ്മസ് ദിനത്തിലെ മദ്യവിൽപ്പനയിൽ ഈ വർഷം നേരിയ കുറവ് ഉണ്ടായെങ്കിലും മറ്റ് മൂന്നു ദിവസങ്ങളിലായി നടന്നത് റെക്കോർഡ് വിൽപനയാണ്.
കൊല്ലം ആശ്രാമത്തെ ബിവറേജസ് ഔട്ട്‌ലെറ്റാണ് വിൽപനയിൽ മുന്നില്‍, 68.48 ലക്ഷം. 65.07 ലക്ഷം വിൽപനയുമായി തിരുവനന്തപുരത്തെ പവർഹൗസ് റോഡിലെ ഔട്ട്‌ലെറ്റാണ് രണ്ടാമത്. മൂന്നാം സ്ഥാനത്ത് ഇരിങ്ങാലക്കുടയിലെ ഔട്ട്‌ലെറ്റും. ഇവിടെ 61.49 ലക്ഷം രൂപയുടെ മദ്യമാണ് വിറ്റഴിച്ചത്.
English Summary:Record liquor sales in Kerala on Christmas
You may also like this video
