പാകിസ്ഥാനില്‍ പെട്രോള്‍ വില ലിറ്ററിന് 24 രൂപ വര്‍ധിപ്പിച്ചു. ഇതോടെ ലിറ്ററിന് 233.89 രൂപയിലെത്തി. ഡീസലിന് 16.31 രൂപ കൂടി ലിറ്ററിന് 263.31 രൂപയായി. ഇതോടെ പാകിസ്ഥാനില്‍ ഇന്ധനവിലയിലെ റെക്കോര്‍ഡ് ഉയരത്തിലേക്കാണ് കുതിച്ചത്. പെട്രോളിയം ഉല്‍പന്നങ്ങളുടെ സബ്‌സിഡി വഹിക്കാന്‍ സര്‍ക്കാരിന് കഴിയില്ലെന്ന് പാക് ഫെഡറല്‍ ധനമന്ത്രി മിഫ്താ ഇസ്മായില്‍ പറഞ്ഞു. കഴിഞ്ഞ 20 ദിവസത്തിനിടെ രാജ്യത്തുണ്ടാകുന്ന മൂന്നാമത്തെ ഇന്ധന വര്‍ധനയാണിത്. ജൂണ്‍ 16 മുതല്‍ നിരക്ക് നിലവില്‍ വന്നത്. പെട്രോള്‍ ലിറ്ററിന് 233.89 രൂപയും ഡീസല്‍ 263.31 രൂപയും മണ്ണെണ്ണ 211.43 രൂപയും ലൈറ്റ് ഡീസല്‍ ഓയിലിന് 207.47 രൂപയുമായിരിക്കും നിരക്ക്.
English Summary:Record price of petrol in Pakistan
You may also like this video
