സംസ്ഥാനത്തെ വൈദ്യുതി ഉപയോഗത്തില്‍ കുറവ് രേഖപ്പെടുത്തി. കടുത്ത വേനല്‍ ചൂട് മൂലം കഴിഞ്ഞ കുറച്ച് ആഴ്ചകളായി വൈദ്യുതി ഉപയോഗം 10 കോടി യൂണിറ്റിന് മുകളിലായിരുന്നു. ഞായറാഴ്ച 97.0902 ദശലക്ഷം മെഗായൂണിറ്റായിരുന്നു വൈദ്യുത ഉപയോഗം. വൈകുന്നേരത്തെ വൈദ്യുതി ആവശ്യകതയിലും കുറവുണ്ടായി 5097 മെഗാവാട്ടായി. ശനിയാഴ്ച 105.8420 ദശലക്ഷം മെഗായൂണിറ്റായിരുന്നു വൈദ്യുതി ഉപയോഗം.
വൈകിട്ടത്തെ വൈദ്യുതി ആവശ്യകത 5288 മെഗാ വാട്ട് ആയിരുന്നു. ഇതാണ് കുറഞ്ഞ് 97 ദശലക്ഷം മെഗാ യൂണിറ്റും വൈദ്യുതി ആവശ്യകത 5097 മെഗാവാട്ടുമായത്. പീക്ക് സമയത്തെ വൈദ്യുത ഉപയോഗം കുറയ്ക്കാന്‍ ഉപഭോക്താക്കള്‍ സഹകരിക്കണമെന്ന് കെഎസ്ഇബി അഭ്യര്‍ത്ഥിച്ചിരുന്നു. ആവശ്യത്തിന് മാത്രം വൈദ്യുതി ഉപയോഗിക്കുമ്പോള്‍ ഇടക്കിടെ അധിക ലോഡ് കാരണം ഫീഡറുകളില്‍ ഉണ്ടാകുന്ന വൈദ്യുതി തടസം ഒഴിവാക്കാനും സാധിക്കും. ആവശ്യകത വര്‍ധിച്ചപ്പോഴും സംസ്ഥാനത്ത് വൈദ്യുതി നിയന്ത്രണം ഉണ്ടായിട്ടില്ല.
English Summary:Reduction in power consumption
You may also like this video
