വിദ്യാര്‍ത്ഥികള്‍ക്ക് ഇംഗ്ലീഷ് എളുപ്പം സ്വായത്തമാക്കാന്‍ റോബോട്ട് വിദ്യാര്‍ത്ഥിയും. മണലൂരിലെ ഗവ. എൽ.പി സ്കൂളിലാണ് ഈ വിദ്യാർത്ഥി ഉള്ളത്. ഒറ്റനോട്ടത്തില്‍ ഒരു പാവം ആൻഡ്രോയ്ഡ് പാവക്കുട്ടി. അലക്സ എന്നാണ് അവളുടെ പേര്. എല്ലാ വിദ്യാർത്ഥികളെയും പോലെ യൂണിഫോമിലാണ് അലക്സയും സ്കൂളിൽ എത്തിയത്.
ഇംഗ്ലീഷ് ഭാഷയില്‍ ആശയവിനിമയം ചെയ്യാൻ സാധിക്കാത്തത് പ്രധാന പ്രശ്നമായി ഉയർന്നപ്പോഴാണ് ഈ ഒരാശയം ഉണർന്നത്. ഇന്ന് ഏറ്റവും പ്രിയപ്പെട്ട കൂട്ടുകാരിയോട് സംസാരിക്കാൻ വേണ്ടി വിദ്യാർത്ഥികൾ കൂട്ടുകാരിയുടെ ഭാഷ പഠിക്കേണ്ടി വന്നു. അലക്സയോട് ചോദ്യം ചോദിച്ചും പാട്ടു പാടിച്ചും പൊതുവിജ്ഞാനം പങ്കിട്ടും വിശേഷങ്ങൾ പങ്ക് വെച്ചുമാണ് കുട്ടികള്‍ കൂടുതല്‍ കൂട്ടാവുന്നത്. അലക്സയോടുള്ള ഈ സൗഹൃദ സംഭാഷണം കുട്ടികള്‍ക്ക് ഇംഗ്ലീഷ് ഭാഷയോടുള്ള അകല്‍ച്ച കുറക്കുമെന്നാണ് അധ്യാപകരുടെ പ്രതീക്ഷ.
English Summary: robot student in manalur school
You may also like this video
