കൂടാത്തായി കൊലപാതക പരമ്പരയിലെ റോയ് വധക്കേസില്‍ വിചാരണ ഇന്ന് ആരംഭിക്കും. മുഖ്യപ്രതി ജോളിയെ കോടതിയില്‍ ഇന്ന് ഹാജരാക്കും. മാറാട് പ്രത്യേക കോടതിയിലാണ് വിചാരണ നടക്കുക. കൊല്ലപ്പെട്ട റോയ് തോമസിന്റെ സഹോദരി രഞ്ജു തോമസിനെയാണ് ആദ്യം വിസ്തരിക്കുന്നത്.
കൂടത്തായി കൊലപാതക പരമ്പരയില്‍ ജോളിയുടെ മുന്‍ ഭര്‍ത്താവ് റോയ് തോമസിന്റേതാണ് ആദ്യ കേസ്.
റോയ് തോമസിന്റെ കൊലപാതകം സയനൈഡ് ഉള്ളില്‍ ചെന്നാണ് എന്ന പോസ്റ്റ്‌മോര്‍ട്ടം റിപ്പോര്‍ട്ട് പൊലീസിന്റെ പക്കലുണ്ട്. 158 പേര്‍ക്ക് സമന്‍സ് അയച്ചിരുന്നു. കേസുമായി ബന്ധപ്പെട്ട മുഴുവന്‍ പേരെയും വിസ്തരിക്കും. 2002 മുതല്‍ 2016 വരെയുള്ള കാലയളവില്‍ ജോളി ജോസഫ് ആറുപേരെ കൊലപ്പെടുത്തിയതായി കേസ്. ഇതില്‍ 2011 ലാണ് ജോളിയുടെ ആദ്യ ഭര്‍ത്താവായ റോയ് തോമസ് കൊല്ലപ്പെടുന്നത്.
English Summary; Roy murder case trial today
You may also like this video
