ആലപ്പുഴയില്‍ മാരകായുധങ്ങളുമായി രണ്ട് ആർഎസ്എസ് പ്രവർത്തകർ പിടിയിൽ. ആലപ്പുഴ മണ്ണഞ്ചേരിയിൽ വച്ചാണ് ആർഎസ്എസ് പ്രവർത്തകരെ പൊലീസ് പിടികൂടിയത്. ബിറ്റു എന്ന് വിളിക്കുന്ന സുമേഷ്, ശ്രീനാഥ് എന്നിവരെയാണ് ഇന്നലെ രാത്രി അറസ്റ്റ് ചെയ്തത്. ഇവരിൽ നിന്നും വടിവാളുകൾ പിടിച്ചെടുത്തു.
പാലക്കാട് രാഷ്ട്രീയക്കൊലപാതകങ്ങൾക്കു പിന്നാലെയാണ് ആയുധങ്ങളുമായി ആർഎസ്എസ് പ്രവർത്തകർ അറസ്റ്റിലാവുന്നത്. എസ്ഡിപിഐ സംസ്ഥാന സെക്രട്ടറി കെ എസ് ഷാൻ, ബിജെപി നേതാവ് രൺജീത്ത് ശ്രീനിവാസൻ എന്നിവരെ കഴിഞ്ഞ വര്‍ഷം ആലപ്പുഴയില്‍ കൊലപ്പെടുത്തിയിരുന്നു.
ഷാനെ കൊലപ്പെടുത്തിയ സ്ഥലത്തിന് സമീപത്ത് നിന്നാണ് ഇന്നലെ പൊലീസുകാർ ആർഎസ്എസ് പ്രവർത്തകരെ പിടികൂടിയത്.
2021 ഡിസംബർ18നാണ് ഷാന്‍ കൊല്ലപ്പെടുന്നത്. ഇതിന്റെ പിറ്റേന്ന് പുലര്‍ച്ചെ ബിജെപി നേതാവ് രൺജീത്ത് ശ്രീനിവാസനും കൊല്ലപ്പെടുകയായിരുന്നു.
English summary;RSS activists arrested with deadly weapons
You may also like this video;
