ഒന്ന്
വരൂ
വന്നെന്റെ അരികിലിരിക്കൂ
നമുക്കല്പം
സന്തോഷത്തിന്റെ വൈൻ നുകരാം
രണ്ട്
ലോകത്ത്
രണ്ട് കാര്യങ്ങളൊരിക്കലും
തൃപ്തിപ്പെടില്ല തന്നെ
ഒന്ന് പ്രണയവും
രണ്ട് ജ്ഞാനവും
മൂന്ന്
നിന്റെ ഹൃദയത്തിന്റെ
ഒത്ത നടുവിൽ നിന്നാണ്
ജീവിതം തുടങ്ങുന്നത്
അതാവട്ടെ
ഭൂമിയിലെ ഏറ്റവും സുന്ദരമായ ഇടവും.
നാല്
പ്രണയം
ഒന്നും ആവശ്യപ്പെടുന്നില്ല
അത്
അപകടങ്ങളെ തരണം ചെയ്യുന്നതേയുള്ളൂ
അഞ്ച്
ഞാൻ
നിന്നെ പ്രണയിച്ചു തുടങ്ങിയതിൽപിന്നെ
എല്ലാ കൊള്ളരുതായ്മകളിൽ നിന്നും
ഞാൻ വിടുതൽ നേടിയിരിക്കുന്നു.
ആറ്
സ്നേഹം
ഒരു അപരിചിതനാണ്
അവന്റെ ഭാഷ അന്യവും
സ്നേഹം ഒരു ഭാഷയാണ്
അത് പറയാനോ
കേൾക്കാനോ കഴിയില്ല.