ശമ്പളവും അവധിയും ആവശ്യപ്പെട്ടതിന് വീട്ടുപകരണ വില്പനക്കടയിലെ ജീവനക്കാരിക്ക് ക്രൂരമർദ്ദനം. തിരുവനന്തപുരം നെയ്യാറ്റിൻകരയിലെ ഇരുമ്പിലിൽ പ്രവര്‍ത്തിക്കുന്ന കടയിലാണ് സംഭവം. വയനാട് സ്വദേശിനിയായ യുവതിയെ കടയുടെ ഉടമ ക്രൂരമായി മർദ്ദിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നു.
തനിക്ക് അത്യാവശ്യമായി വീട്ടിൽ പോകണമെന്നും അവധി വേണമെന്നും ആവശ്യപ്പെട്ട് പെൺകുട്ടി ഉടമയെ കഴിഞ്ഞ ദിവസം സമീപിച്ചു. എന്നാൽ ഉടമ അത് നിഷേധിച്ചു. ഇതോടെ താൻ ജോലി ഉപേക്ഷിക്കുകയാണെന്നും അതുവരെയുള്ള ശമ്പളം നൽകണമെന്നും പറഞ്ഞു. ഇതാണ് ഉടമയെ പ്രകോപിപ്പിച്ചത്. മുറിയിൽ പൂട്ടിയിട്ട് പെൺകുട്ടിയെ ആദ്യം കുറേനേരം വിചാരണ ചെയ്തു. ഇതിനെതിരെ പ്രതികരിച്ചതോടെ കടയുടമ പെൺകുട്ടിയുടെ മുഖത്ത് അടിച്ചു. സംഭവത്തിൽ പെൺകുട്ടി പൊലീസിൽ പരാതി നൽകിയിട്ടുണ്ട്.
English Sammury: sales girl locked up and beaten in neyyattinkara
