കര്‍ഷകരെ വഞ്ചിച്ച് കോര്‍പ്പറേറ്റ് വത്ക്കരണം ശക്തമാക്കുന്ന നരേന്ദ്രമോഡി സര്‍ക്കാരിനെതിരെ രൂക്ഷമായ സമരത്തിന് ആഹ്വാനം ചെയ്ത സംയുക്ത കിസാന്‍ മോര്‍ച്ച (എസ്എംകെ) 21 ന് രാജ്യവ്യാപകമായി ബിജെപി എന്‍ഡിഎ എംപിമാര്‍ക്കെതിരെ പ്രതിഷേധം സംഘടിപ്പിക്കുമെന്ന് നേതാക്കള്‍ പ്രസ്താവനയില്‍ അറിയിച്ചു.
പഞ്ചാബില്‍ ജനപ്രതിനിധികളുടംയും ബിജെപി ജില്ലാ പ്രസിഡന്റുമാരുടേയും വീടിനു മുന്നില്‍ മൂന്നു ദിവസം പ്രതിഷേധിക്കും.20ന് രാവിലെ പത്തു മുതല്‍ 22ന് വൈകിട്ട് അഞ്ചുവരെയാണ് പ്രതിഷേധം. ബുധനാഴ്ച ഡല്‍ഹിയില്‍ ആരംഭിക്കുന്ന എസ് കെഎം ദേശീയ കോ-ഓര്‍ഡിനേഷന്‍ സമിതി യോഗം ഭാവിപരിപാടികള്‍ പ്രഖ്യാപിക്കും.
സ്വാമിനാഥൻ കമീഷൻ റിപ്പോർട്ട്‌ നടപ്പാക്കുക, 2021ൽ എഴുതി നൽകിയ ഉറപ്പുകൾ പാലിക്കുക, ജനവിരുദ്ധ വൈദ്യുതി ബിൽ പിൻവലിക്കുക തുടങ്ങിയ ആവശ്യങ്ങളുന്നയിച്ചാണ്‌ സമരം. പ്രതിഷേധത്തിൽ അണിചേരാൻ കേന്ദ്ര ട്രേഡ്‌ യൂണിയനുകളോടും അഭ്യർഥിച്ചു. ഇലക്ടറൽ ബോണ്ടുകൾ റദ്ദാക്കിയ സുപ്രീംകോടതി വിധിയെ എസ്‌കെഎം സ്വാഗതം ചെയ്‌തു.
English Summary:
Samyukta Kisan Morcha called for strike against BJP MPs
you may also like this video:
