ഏഷ്യയിലെ ഏറ്റവും സമ്പന്നയായ വനിത എന്ന പദവി സ്വന്തമാക്കി ഇന്ത്യക്കാരി സാവിത്രി ജിന്‍ഡാള്‍. ചൈനയുടെ യാങ് ഹ്യുയാനിനെ മറികടന്നാണ് ജിന്‍ഡാള്‍ ഗ്രൂപ്പ് ചെയര്‍പേഴ്സണ്‍ സാവിത്രി ജിന്‍ഡാള്‍ ഒന്നാം സ്ഥാനത്തെത്തിയത്. 1800 കോടി ഡോളറാണ് സാവിത്രിയുടെ ആസ്തി.
ഈ വര്‍ഷത്തെ ഫോബ്സിന്റെ സമ്പന്നരുടെ പട്ടികയില്‍ ഇടം നേടിയ ഇന്ത്യക്കാരില്‍ ഇവര്‍ ഉള്‍പ്പെടുന്നുണ്ട്. പട്ടികയില്‍ സ്ഥാനം പിടിച്ച ഇന്ത്യാക്കാരില്‍ ആദ്യ പത്തിലുള്ള ഏക വനിതയും സാവിത്രി ജിന്‍ഡാളാണ്. കഴിഞ്ഞ രണ്ടു വര്‍ഷത്തിനിടയില്‍ 72കാരിയായ സാവിത്രി ജിന്‍ഡാളിന്റെ ആസ്തിയില്‍ 1200 കോടി ഡോളറിന്റെ വര്‍ധനവാണ് ഉണ്ടായത്.
കഴിഞ്ഞ അഞ്ച് വര്‍ഷങ്ങളിലും ഏഷ്യയിലെ സമ്പന്ന വനിത എന്ന പദവി യാങ് ഹ്യുയാനിന്റെ കൈവശമായിരുന്നു. എന്നാല്‍ കഴിഞ്ഞ വര്‍ഷം ചൈനയിലെ റിയല്‍ എസ്റ്റേറ്റ് മേഖലയിലെ പ്രതിസന്ധി യാങ്ങിന് തിരിച്ചടിയായി. 2400 കോടി ഡോളറായിരുന്ന യാങ്ങിന്റെ ആസ്തി ഈ വര്‍ഷം 1100 കോടി ഡോളറായി ചുരുങ്ങി.
English Summary: Savitri Jindal is the richest person in Asia
You may like this video also
