യുഎസിൽ സ്കൂളിൽ വെടിവയ്പ്; രണ്ട് പേർ കൊ ല്ലപ്പെട്ടു

അമേരിക്കയിലെ വിസ്‌കോൺസിനിൽ സ്കൂളിലുണ്ടായ വെടിവയ്പിൽ രണ്ട് പേർ കൊല്ലപ്പെട്ടു. ആറ് പേർക്ക് പരിക്കേറ്റു. മാഡിസണിലുള്ള സ്കൂളിലാണ് ഇന്നലെ വെടിവയ്പുണ്ടായത്. 17 വയസുള്ള വിദ്യാർഥിനിയാണ് വെടിവെച്ചതെന്നാണ് വിവരം. വെടിവച്ചതെന്നു കരുതപ്പെടുന്ന പെൺകുട്ടിയെയും മരിച്ച നിലയിൽ കണ്ടെത്തിയത്. ഒരു അധ്യാപകനും വിദ്യാർഥിയുമാണ് കൊല്ലപ്പെട്ടത്. പരിക്കേറ്റ 6 പേരിൽ 2 പേരുടെ നില ​ഗുരുതരമാണ്. ഇവരെല്ലാം ആശുപത്രിയിൽ ചികിത്സയിലാണ്. 400ഓളം വിദ്യാർഥികളാണ് സ്കൂളിലുള്ളത്.