എസ്സി എസ്ടി കമ്മീഷന് എച്ച്ആര്ഡിഎസിനെതിരെ നടപടിയെടുത്തു. അട്ടപ്പാടിയില് ആദിവാസി കുടുംബങ്ങള്ക്ക് വാസയോഗ്യമല്ലാത്ത വീട് നിര്മ്മിച്ചുവെന്ന പരാതിയിലാണ് സ്വമേധയാ കേസെടുത്തത്. അട്ടപ്പാടിയില് സദ്ഗൃഹ എന്ന പേരില് നിര്മിച്ചു നല്കിയ വീടുകള് താമസിയ്ക്കാനാവാത്തതായിരുന്നുവെന്ന് കണ്ടെത്തിയിരുന്നു.
ആദിവാസി ഭൂമി പാട്ടത്തിനെടുക്കാന് ശ്രമിച്ചുവെന്ന പരാതിയും കമ്മീഷന് അന്വേഷിക്കും. എച്ച്ആര്ഡിഎസിനെക്കുറിച്ചുള്ള പരാതികളില് ജില്ല കളക്ടര്, എസ് പി എന്നിവരോട് പതിനഞ്ച് ദിവസത്തിനകം റിപ്പോര്ട്ട് സമര്പ്പിക്കാനാണ് കമ്മീഷന് നിര്ദ്ദേശിച്ചത്. സംഘടനക്ക് വിദേശ ഫണ്ട് കണ്ടെത്തുന്നതിനുള്ള ചുമതലയാണ് സ്വപ്ന സുരേഷിന് നല്കിയിട്ടുള്ളത്.
സ്വര്ണക്കടത്ത് കേസിലെ പ്രതി സ്വപ്ന സുരേഷിന് ജോലി നല്കിയതിന് പിന്നാലെ എച്ച് ആര് ഡിഎസിസ് ആദിവാസി മേഖലയില് നടത്തുന്ന നിയമ വിരുദ്ധ പ്രവര്ത്തനങ്ങള് മാധ്യമ ശ്രദ്ധ നേടിയിരുന്നു. ഇതിനു പിന്നാലെയാണ് നേരത്തെയുള്ള പരാതിയില് കേസെടുക്കാനുള്ള എസ് സി എസ്ടി കമ്മീഷന്റെ തീരുമാനം.
English summary; SCST Commission takes action against HRDS