കര്‍ണാടക ഷിരൂരില്‍ മണ്ണിടിച്ചിലില്‍ കാണാതായ അര്‍ജുനായുള്ള തെരച്ചില്‍ പുരോഗമിക്കുന്നതിനിടെ പ്രതീക്ഷയേകുന്ന പുതിയ വാര്‍ത്ത.മണ്ണിനടിയില്‍ ലോഹ സാന്നിധ്യം കണ്ടെത്തിയതായി സൂചന.നിര്‍ണായക വിവരങ്ങള്‍ കിട്ടിയതായി സൈന്യം.എട്ട് മീറ്റര്‍ താഴ്ചയിലാണ് ലോഹ സാന്നിധ്യം കണ്ടെത്തിയിരിക്കുന്നത്.എന്നാല്‍ ഇത് ലോറിയുടെ ഭാഗമാണോ എന്ന് സ്ഥിരീകരിച്ചിട്ടില്ല.സൈന്യത്തിന്റെ റഡാർ സംവിധാനം ഇതുവരെ എത്തിയിട്ടില്ല. ഇന്നലെ റഡാർ സിഗ്നലുകൾ ലഭിച്ചയിടങ്ങളിൽ മണ്ണ് നീക്കി നടത്തിയ പരിശോധനയിൽ ലോറിയുടെ ഭാഗങ്ങൾ കണ്ടെത്താനായില്ല.റോഡിലെ റഡാര്‍ പരിശോധനയില്‍ രണ്ടിടങ്ങളില്‍ സിഗ്നല്‍ ലഭിച്ചു.ഈ സ്ഥലങ്ങളിലെ മണ്ണാണ് ഇപ്പോള്‍ നീക്കിക്കൊണ്ടിരിക്കുന്നത്.
English Summary;Search for Arjun; metal presence underground
You may also like this video
