കർണാടകയിലെ രാമനഗര ജില്ലയിലെ കഞ്ചുഗൽ ബന്ദേ മഠത്തിൽ ലിംഗായത്ത് വിഭാഗത്തിലെ സന്ന്യാസി ആത്മഹത്യ ചെയ്തനിലയില്‍. മഠത്തിലെ ദാര്‍ശനികനായ 45 കാരനായ ബസവലിംഗ സ്വാമിയാണ് ആത്മഹത്യ ചെയ്തത്. പീഡനമാണ് മരണത്തിന് കാരണമെന്ന് വെളിപ്പെടുത്തുന്ന ആത്മഹത്യാ കുറിപ്പ് സംഭവ സ്ഥലത്തുനിന്ന് കണ്ടെത്തി. തിങ്കളാഴ്ചയാണ് മുറിയുടെ ജനൽ ഗ്രില്ലിൽ തൂങ്ങിമരിച്ച നിലയിൽ ബസവലിംഗയുടെ മൃതദേഹം കണ്ടെത്തിയത്.
മഠത്തിലെ മുഖ്യ ദാര്‍ശനികനായ ബസവലിംഗയെ സ്ഥാനത്തുനിന്ന് നീക്കാന്‍ ആഗ്രഹിക്കുന്ന ചിലരാണ് തന്നെ ഇതിലേക്ക് നയിക്കുന്നതെന്ന് രണ്ട് പേജുകളുള്ള ആത്മഹത്യാ കുറിപ്പില്‍ പറയുന്നു. 25 വർഷത്തോളം ബസവലിംഗ സ്വാമിയായിരുന്നു ബസവലിംഗ. കുടൂർ പൊലീസ് സംഭവത്തില്‍ അസ്വാഭാവിക മരണത്തിന് കേസെടുത്തു. ശിഷ്യന്മാരാണ് രാവിലെ 6 മണിയോടെ അദ്ദേഹത്തെ തൂങ്ങിമരിച്ച നിലയിൽ കണ്ടെത്തിയത്. കേസില്‍ അന്വേഷണം പുരോഗമിക്കുന്നതായി പൊലീസ് പറഞ്ഞു.
English Summary: seer found de ad in mutt
You may also like this video also
