കാലാവധി കഴിഞ്ഞ ചപ്പാത്തി പായ്ക്കറ്റുകളുടെ തീയതി തിരുത്തുന്നതിനിടെ പട്ടിത്തടം സ്വദേശി കുറ്റിക്കാട്ട് വീട്ടിൽ സ്റ്റാൻലി പൊലീസിന്റെ പിടിയിലായി. ഡേറ്റ് തിരുത്തിയ ചപ്പാത്തി പായ്ക്കറ്റുകൾ ഡേറ്റ് തിരുത്താനുയോഗിച്ച അസറ്റോൾ, മാർക്കറുകൾ എന്നിവ പിടിച്ചെടുത്തു. ഡേറ്റ് തിരുത്തിയ ചപ്പാത്തി പായ്ക്കറ്റനുള്ളിലുണ്ടായിരുന്ന ചപ്പാത്തി പൂപ്പൽ പിടിച്ച നിലയിലായിരുന്നു.
കുന്നംകുളം പൊലീസ് വിവരം അറിയിച്ചതിനെ തുടർന്നു ഫുഡ് സേഫ്റ്റി ഉദ്യോഗസ്ഥർ നടത്തിയ പരിശോധനയിൽ ചപ്പാത്തിപ്പായ്ക്കറ്റിൽ രേഖപ്പെടുത്തിയ അഖിലം എന്ന കമ്പനി അരുവായിൽ പ്രവർത്തിക്കുന്നത് കാലാവധി കഴിഞ്ഞ ലൈസൻസുമായി ആണെന്നു കണ്ടെത്തി. ഫുഡ് സേഫ്റ്റി കുന്നംകുളം സർക്കിൾ ഓഫീസർ ഡോ. അനു ജോസഫിന്റെ നേതൃത്വത്തിൽ സ്ഥാപനം അടച്ചുപൂട്ടാൻ നോട്ടീസ് നൽകി.
English Summary: Selling expired chapathis: Shopkeeper caught while altering date on packets
You may also like this video
